+15 °С
Облачно
Яңылыҡтар таҫмаһы
3 Марта 2023, 07:00
Билдәле шағирә Таңһылыу Ҡарамышеваға — 75 йәш
Шағирә "Йәшлек" гәзитендә лә эшләп киткән.Редакция хеҙмәткәрҙәре уны юбилейы менән ҡотлай. #Йәшлек #ЮлайКәримовфотоһы.
Билдәле шағирә Таңһылыу Ҡарамышеаға — 75 йәш
Ҡарамышева Таңһылыу Фаяз ҡыҙы (псевдонимы Таңһылыу Ҡарамыш (3 март 1948 йыл) — башҡорт шағиры. 1984 йылдан СССР Яҙыусылар союзы ағзаһы. Башҡортостан Республикаһының атҡаҙанған мәҙәниәт хеҙмәткәре (2001). Рәми Ғарипов исемендәге премия лауреаты.
Таңһылыу Фаяз ҡыҙы Ҡарамышева 1948 йылдың 3 мартында Башҡорт АССР-ының Бөрйән районы Байназар ауылында тыуған.
Тиҫтерҙәремә
Киткән ваҡыт китә бирһен,
Ә беҙ йәшәйек әле.
Эсергә тейеш һыуҙарҙы,
Әйҙә, эсәйек әле.
Һуларға тейеш һауаны
Һулап бөтәйек әле.
Ейергә тейеш ризыҡты
Ейеп китәйек әле.
Ағарасаҡ сәстәребеҙ
Ағарып бөтһөн әле.
Кибеләсәк йәштәребеҙ
Күҙҙәрҙән кипһен әле.
Ашыҡмайыҡ ҡартайырға,
Булмаһаҡ та үлемһеҙ.
Яратайыҡ, донъялыҡҡа
Ете яттар түгелбеҙ.
Оялмайыҡ йәшебеҙҙән,
Тартынмайыҡ хистәрҙән,
Йәшәгән һайын йәшәрәйек,
Килгән саҡта көстәрҙән.
Киткән ваҡыт китә бирһен,
Алдынан арты яҡшы.
Күктәге сыраҡ шикелле
Күңелебеҙ яп-яҡты.
Киткән ваҡыт китә бирһен,
Ә беҙ йәшәйек әле.
Эсергә тейеш һыуҙарҙы,
Әйҙә, эсәйек әле.
Һуларға тейеш һауаны
Һулап бөтәйек әле.
Ейергә тейеш ризыҡты
Ейеп китәйек әле.
Ағарасаҡ сәстәребеҙ
Ағарып бөтһөн әле.
Кибеләсәк йәштәребеҙ
Күҙҙәрҙән кипһен әле.
Ашыҡмайыҡ ҡартайырға,
Булмаһаҡ та үлемһеҙ.
Яратайыҡ, донъялыҡҡа
Ете яттар түгелбеҙ.
Оялмайыҡ йәшебеҙҙән,
Тартынмайыҡ хистәрҙән,
Йәшәгән һайын йәшәрәйек,
Килгән саҡта көстәрҙән.
Киткән ваҡыт китә бирһен,
Алдынан арты яҡшы.
Күктәге сыраҡ шикелле
Күңелебеҙ яп-яҡты.
Юлай Кәримов фотоһы.
