Стәрлетамаҡтағы «Авангард» заводына 80 йәш

Ул завод эшмәкәрлеге менән танышты, изделиеларҙы преслау һәм инженер хәрби припастары етештереү цехын ҡараны.

Өлгөләр күргәҙмәһендә ҡунаҡтарға дәүләт заказы буйынса һәм сәнәғәт тәғәйенләнешендәге төрлө продукция, шулай уҡ ғилми-тикшеренеү һәм тәжрибә-конструкторлыҡ эштәре, Рәсәй Федерацияһы Оборона министрлығы ихтыяждары буйынса продукция тәҡдим ителде.

— "Авангард" предприятиеһы уникаль. Бөйөк Ватан һуғышы йылдарында бында 15,8 миллион махсус заряд етештерелә, беҙгә был күп осраҡта еңеү яуларға ярҙам итә. Производство туҡтап ҡалған һәм завод утилләштереүгә генә эшләгән оҙайлы осор ҙа булған. Хәҙер уның өсөн яңы үҫеш этабы. Ә предприятие тиҙ арала яңы кимәлгә сыҡһын өсөн бөгөн республика етәкселеге, Оборона министрлығы, Ростех тарафынан иғтибар бүленә. Билдәләп үтергә кәрәк, 2022 йылда Башҡортостанда Рәсәй Оборона министрлығы ихтыяждары өсөн эшләгән тармаҡтар һаны 4 тапҡырға артҡан һәм 56 предприятие тәшкил итә. Төбәктә дәүләт оборонаһы тәртибе күләме 1,6 тапҡырҙан ашыуға артҡан, — тине Андрей Назаров.

Республика Хөкүмәте рәйесе «Авангард»хеҙмәткәрҙәрен дәүләт наградалары менән бүләкләне.  «Хеҙмәт батырлығы өсөн» миҙалы махсус продукцияны эшкәртеү буйынса токарь Марат Ғөбәйҙуллинға тапшырылды. «Башҡортостан Республикаһының атҡаҙанған иҡтисадсыһы» маҡтаулы исеме генераль директорҙың иҡтисад һәм финанстар буйынса урынбаҫары Светлана Шабулдаеваға бирелде. Премьер-министр тауар төрөүсе Людмила Клименконы һәм оҫтахана мастеры Елена Новикованы Башҡортостан Республикаһының Почет грамотаһы менән бүләкләне.

— Барлыҡ маҡсаттарға өлгәшеү өсөн предприятие менән берлектә комплекслы эш алып барыла. Былтыр сентябрҙә республика Башлығы Радий Хәбиров етәкселегендә ошондай уҡ кәңәшмә үтте. Артабан уның һөҙөмтәләре буйынса протокол төҙөлдө, әлеге көнгә тиклем 11 күрһәтмә үтәлгән. Предприятиеға квалификациялы кадрҙар йәлеп итеү буйынса ҙур эш башҡарылған. 2023 йыл башынан предприятие хеҙмәткәрҙәренең һаны 10 проценттан ашыуға артҡан. Ай һайын 70-кә яҡын кеше эшкә ҡабул ителә, тине Премьер-министр.