+16 °С
Облачно
Яңылыҡтар таҫмаһы
2 Марта 2023, 13:16
Туристик фестиваль бик ҡыҙыҡ буласаҡ
3 мартта сәйәхәт миҙгеле алдынан «Арт-квадрат» майҙансығында «Terra Bashkiria. Туристик миҙгел – 2023» фестивале үтәсәк. Уны Башҡортостан Республикаһының Эшҡыуарлыҡ һәм туризм министрлығы, «Башҡортостан Республикаһының Туризмды үҫтереү үҙәге» коммерцияға ҡарамаған автономиялы ойошмаһы һәм Өфө ҡалаһы ҡала округы хакимиәте ойоштора.
Туристик фестиваль бик ҡыҙыҡ буласаҡ
Фестиваль барышында ҡала халҡы һәм баш ҡала ҡунаҡтары төбәк туроператорҙарының тәҡдимдәре менән таныша ала. Шулай уҡ шифаханалар, туристик базалар һәм башҡа урынлаштырыу саралары тәҡдимдәренең презентацияһы ойоштороласаҡ.
– Быйыл 2,3 миллион туристы ҡабул итергә планлаштырабыҙ. Башҡортостан ҡунаҡтары яҡшы тәьҫораттар менән китһен өсөн улар өсөн күп программалар әҙерләйбеҙ, - тине Башҡортостан Республикаһының эшҡыуарлыҡ һәм туризм министры Рөстәм Афзалов.
Байрам ҡунаҡтары туристик тармаҡ өсөн сувенир продукцияһы һәм ҡорамалдар, техника, модулле конструкциялар күргәҙмәһен ҡарай, билдәле һөнәрселәрҙең һәм халыҡ-художество кәсептәре оҫталарының конкурстарында һәм оҫталарҙың оҫталыҡ дәрестәрендә ҡатнаша, милли аш-һыуҙы тәмләп ҡарай ала. Фестиваль көндөҙгө сәғәт 12-лә башланасаҡ. Бик ҡыҙыҡ буласаҡ!
Фото: Т. АМАНОВ.
