Мәктәп туризмы программаһында 40 меңгә яҡын уҡыусы ҡатнашасаҡ

Финанслау күләме буйынса - был Рәсәйҙә икенсе урын. Программала 37,7 мең уҡыусы ҡатнаша. Былтыр республика балалар туристик программаһын тормошҡа ашырған 18 пилот төбәктең береһе булды. Уға федераль бюджеттан - 55,7 миллион, төбәк ҡаҙнаһынан 22 миллион һум бүленде. Республиканың барлыҡ райондарынан 11 мең уҡыусы сәйәхәткә юлланды. Юл йөрөү, туҡланыу, ҡунаҡханаға урынлашыу, экскурсиялар - барыһы ла бушлай. Программала ҡатнашыусыларҙы - урындағы мәғариф бүлектәре, туроператорҙар араһынан төбәктәге иң ышаныслы 10 предприятиены һайлап алдылар. Рәсәйҙә быйыл балалар туристик программаһына бөтәһе 1 миллиард һум йүнәлтеләсәк. Бойороҡҡа Хөкүмәт рәйесе Михаил Мишустин ҡул ҡуйҙы. 5 —9 кластарҙа уҡыған 200 меңдән ашыу уҡыусы йәшәгән төбәге буйлап йәки күрше төбәктәргә экскурсияға барып, аң-белем кимәлен киңәйтә аласаҡ.