Владимир Путин һалдаттарға йышыраҡ ял бирергә ҡушты

«Махсус хәрби операцияла хеҙмәт итеү күп көс талап итә. Ярты йылға кәмендә 14 көн ял бирергә тәҡдим итәм, юлға киткән ваҡыт иҫәпләнмәҫкә тейеш. Һәр хәрбиҙең яҡындарының хәлен белешергә мөмкинлеге булырға тейеш», - тине ил башлығы.

Владимир Путин эш хаҡында һәм страховка түләүҙәренә бәйле проблемалар хаҡында иҫкәртте. Бөтә һорауҙар ҙа хәл ителмәгән, һәр осраҡта айырым эшләргә кәрәк, тине Президент.