Вуз-ара студенттар кампусы ниндәй булыр?

— Объекттар ваҡытында тапшырылырға тейеш. Беҙҙең бурыс — барлыҡ эштәрҙе графикҡа ярашлы тамамлау. Шуға күрә барлыҡ ҡатнашыусылар ҙа йөкләмәләрҙе ваҡытында үтәргә һәм аҙна һайын отчет бирергә тейеш — тине Андрей Назаров.

Премьер-министр проект документацияһына һәм ер участкаһын юллау буйынса бурыстарҙы ваҡытында атҡарырға ҡушты.

— Киләһе аҙнала IQ-парк концепцияһын көтәм, ремонт эштәрен артабан дауам итергә кәрәк. Объекттар ғына түгел, ҡоролмалар урынлашасаҡ урынды билдәләргә кәрәк, — тине Андрей Назаров.

Андрей Назаров бынан алда Өфө вуздары вәкилдәре, ведомстволар етәкселәре менән бергә кампус урынлашасаҡ бинаны ҡарап сыҡты, проекттар менән танышты. Ул архитектура-дизайнер проектын аныҡ әҙерләргә, подрядсы ойошмаларҙы билдәләргә ҡушты.