Байрам маркаһы почта әйләнешенә сыҡты

Почта блогы үҙе грампластинка формаһында эшләнгән, уртаһында –  күренекле опера йырсыһының портреты төшөрөлгән марка. Уның ситтәрендә – Мефистофель, Борис Годунов һәм Базилио образдары, улар – артистың төрлө ваҡытта башҡарған ролдәре. Шулай уҡ бында йырсының автографы һәм театр шаршауы төшөрөлгән.

Баш ҡалабыҙҙың Ленин урамы, 28-се йорт адресы буйынса урынлашҡан почта бүлексәһенә ошондай почта блоктары килгән дә инде. Бөгөн 10 февралдә киске сәғәт 10-ға тиклем ошо уҡ бүлектә һәр теләүсе мисәт һуға ала, унан һуң мисәт әйләнештән алынасаҡ.

«Өфөлә бөйөк йырсының юбилейын байрам итеү ошо датаға сығарылған почта продукцияһын тантаналы мисәтләүҙән башланыуы ҡыуаныслы», - тип билдәләне Федераль почта элемтәһенең Башҡортостан Республикаһы буйынса идаралығы директоры Ленард. Шафиҡов.

Башҡорт дәүләт опера һәм балет театрында мисәт һуғыу тантанаһы үтте. Сарала театрҙың художество етәксеһе Асҡар Абдразаҡов, Төбәк-ара Шаляпин үҙәгенең Өфө бүлексәһе рәйесе Елена Замрий һәм Федераль почта элемтәһенең Башҡортостан идаралығы директоры Ленард Шафиҡов ҡатнашты.

Фото: Т. АМАНОВ.