Башҡортостан балалар тауарҙарының милли символикаһы булдырыласаҡ

— Балалар тауарҙары индустрияһы беҙҙең өсөн мөһим тармаҡ, республика үҫтерергә ниәтләй. 2022 йылдың октябрендә беҙ Башҡортостан Хөкүмәте һәм Балалар тауарҙары индустрияһы ассоциацияһы араһында килешеү төҙөнөк. Декабрҙә индустрияны үҫтереү буйынса юл картаһы булдырҙыҡ, сәнәғәт предприятиелары реестрын әҙерләйбеҙ. Әле унда 84 ойошма индерелде, — тине Александр Шельдяев.

Төбәк компаниялары спорт һәм уйын, уҡытыу ҡорамалдары, балалар өсөн гигиена саралары, дарыуҙар, реабилитация саралары етештерә, шул иҫәптән протездар, балалар йыһаздары, кейем-һалым, китаптар, пособиелар һәм йәнһүрәттәр. Балалар тауарҙары производствоһы республикала етештерелгән продукцияның дөйөм күләменән 0,0001 процент тәшкил итә. Рәсәй уйын һәм уйынсыҡтар етештереү баҙары күләме 198 миллиард һумға иҫәпләнә, Башҡортостан өлөшө 1,5 миллиард йәки 0,7 процент тәшкил итә. 

— Бер ярым миллиард - был башланғыс, беҙ уның үҫеш динамикаһын өйрәнәсәкбеҙ. Беҙҙең команда һуңғы айҙарҙа бик күп эш атҡарҙы. Артабан төп тауарҙар буйынса компанияларҙың исемлеген төҙөргә. Һәр етештереүсе мәктәптәргә, балалар баҡсаларына һәм ял үҙәктәренә үҙенең тауарҙарын тәҡдим итә аласаҡ, — тип тәҡдим итте Рәсәй Президенты ҡарамағындағы Ғаиләне һәм балаларҙы яҡлау өлкәһендә дәүләт сәйәсәтен тормошҡа ашырыу советы ағазаһы Антонина Цицулина.

Кәңәшмә һуңында артабан башҡорт балалар тауарҙары индустрияһы символикаһын булдырыу, етештереү күләмен арттырыу ҡарар ителде.