Бында малай-ҡыҙҙар көрәш менән бушлай шөғөлләнәсәк

– Был фотоһүрәт Өфөлә яңы асылған Ирекле көрәш һәм грэпплинг үҙәгенән. Башҡортостандың Көрәш федерацияһы беҙҙең Спорт министрлығы менән берлектә Октябрь проспектындағы ике залды ремонтланы. Улар тулыһынса заманса стандарттарға ярашлы йыһазландырылды. Иртәгә дүрт олимпия чемпионы беҙҙең йәш көрәшселәргә оҫталыҡ дәрестәре үткәрәсәк. 

Беҙ, бында шөғөлләнеү бушлай буласаҡ, тип хәл иттек. Бындай үҙәктәрҙе артабан да бөтә республика буйынса асасаҡбыҙ. Беҙҙең балалар көслө һәм һау-сәләмәт булып үҫергә тейеш, – тип яҙҙы социаль селтәрҙә Радий Хәбиров.