Сәнәғәт тармағы өлкәһенә айырым иғтибар бүленә

Делегацияның эше эшсе төркөм ултырышынан башланды. Унда Башҡортостан Республикаһы менән Беларусь Республикаһы Хөкүмәте араһында сауҙа-иҡтисади, фәнни-техник һәм социаль-мәҙәни өлкәләрҙә хеҙмәттәшлек тураһындағы килешеүҙе үҫтереүгә ҡабул ителгән юл картаһын тормошҡа ашырыуға йомғаҡ яһалды.

– Документ 96 сараны күҙ уңында тота, уларҙың 20-һе үтәлгән һәм 51-е, «юл картаһы»нда ҡаралған ваҡытҡа ярашлы, алып барыла. Әлбиттә, сәнәғәт тармағы өлкәһендә айырым иғтибар бүленәсәк, Беҙҙә «Амкодор» холдингы менән үҙ-ара тығыҙ бәйләнеш булдырылған, берлектәге проекттарҙы тормошҡа ашырыу йылдам алып барыла.

Шулай уҡ МАЗ  менән Өфө трамвай-троллейбус заводының корпоратив партнерлығы тураһында килешеүгә ҡул ҡуйылды. Уға ярашлы,  2023 йылға МАЗ шассийы нигеҙендә 200-ҙән ашыу берәмек троллейбус заказы раҫланған.

Транспорт өлкәһендәге хеҙмәттәшлектең тағы бер йүнәлеше – баш ҡалабыҙҙың электр транспорты селтәрен яңыртыу буйынса заманса трамвайҙар менән тәьмин итеү.

Сәфәр сиктәрендә Белоруссияның төп станоктар эшләү предприятиелары менән һөйләшеүҙәр алып барылды: беҙҙең компания «Станкомонтаж» яуаплылығы сикләнгән йәмғиәте һәм Киров исемендәге завод араһында дилер килешеүе төҙөнө, – ти белдерҙе ЦУР-ҙа үткән оператив кәңәшмәлә Башҡортостан Хөкүмәте Премьер-министрының беренсе урынбаҫары – иҡтисади үҫеш һәм инвестиция сәйәсәте министры Рөстәм Моратов.

Фото: Т. АМАНОВ.