Лидерҙар интеллектуаль олимпиадала сығыш яһаясаҡ

Башҡортостандың йәш эшҡыуарҙары, йәштәр проекттары етәкселәре, студенттар Таллин менеджерҙар мәктәбенә нигеҙ һалыусы Владимир Тарасовтың технологиялары буйынса һөйләшеү техникаһына бушлай уҡый ала. Күнекмәләр барышында «ВДвиже» һүҙ көрәштереү гала-турниры еңеүселәренән рейтинг лидерҙары Башҡортостан исеменән Интеллектуаль олимпиадала сығыш яһаясаҡ.

- Йәштәр сәйәсәте лигаһы беҙҙең ведомство ярҙамында аҙна һайын «идара итеү ярыштары» йүнәлеше буйынса асыҡ күнекмәләр үткәрә. Декабрҙә республика турнирында Волга буйы федераль округының Интеллектуаль олимпиадаһында ҡатнашыуға дәғүәселәр билдәләнде. Республикабыҙ ике йыл рәттән ҡатнашыусы төбәктәр араһында тәүге өс лидер иҫәбенә инә. Һөҙөмтәгә булышлыҡ итеү өсөн системалы әҙерлекте дауам итәбеҙ, - тип һөйләне Башҡортостан Республикаһының Йәштәр сәйәсәте буйынса дәүләт комитеты рәйесе Яна Гайдук.

Фото: Т. АМАНОВ.