Мәктәп уҡыусыларының каникулы оҙайтылырмы?

«Балаларҙың каникулын оҙайтығыҙ. Дүшәмбенән алып төндә – 35 градус һалҡын. Республикабыҙҙа бер ҡасан да каникулдан һуң 9 ғинуарҙа сыҡманылар. 14 – 16 ғинуарҙа ғына, аҙнаның көнөнә ҡарап», –  тип тәҡдим итә Софья С.

 «Уҡыусылар  йыллыҡ календарҙың уҡыу графигы буйынса  11 ғинуарҙа  уҡырға бара. Һауа температураһының түбән булыуына бәйле дәрестәрҙе үткәрмәү тураһында ҡарарҙы әлеге һәм фаразланған һауа шарттарын иҫәпкә алып, шулай уҡ бина эсендә температура нормаларына ярашлы (18-ҙән 24 градусҡа тиклем) мәктәп үҙ аллы ҡабул итә. Ата-әсәләргә мәғлүмәт еткереү ысулын да мәктәп үҙе билдәләй: белем усағының рәсми сайтында, шулай уҡ ата-әсәләр  чатында йәки социаль селтәрҙәрҙә урынлаштырыла. Шуның менән бергә тышта ниндәй температура булһа ла,  мәктәп үҙ эшен дауам итә»,  –  тип яуап бирҙеләр республиканың Мәғариф һәм фән министрлығында.

 

 

Фото: Т. АМАНОВ.