Ришат олатайҙан ауылдаштарына яңы йыл бүләге

Ришат олатайҙың ихатаһы ауылдың биҙәлгән хужалыҡтары араһында икенсе йыл рәттән беренсе урынды яулай. Пенсионер быны бәйге өсөн дә түгел, ә изге күңелдән эшләй.

Ришат Ярулла улы ғүмер баҡый колхозда эшләгән, бөгөн - хаҡлы ялда. Оло йәштә булыуына ҡарамаҫтан, бик дәртле һәм ярҙамсыл ул. Йыл һайын ҡыҙыҡлы ҡарһындар эшләп, ауылдаштарын ҡыуандырып тора.