Бөрйәндә быйма ырғытыу ярышы бар икән!

Был хаҡта Башҡортостан күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге директоры Данир Ғәйнуллин социаль селтәрҙәге сәхифәһендә яҙған

«Бөгөн "Шүлгәнташ" музей комплексы эргәһендә быйманы алыҫлыҡҡа ырғытыу буйынса республика ярышы үтте.

Көсөргәнешле ярышта 1-се урынды Өфөнән билдәле быйма бәреүсе Азат Рауилов , 2-се урынды Брәтәк батыры, галош ырғытыусы Рөстәм Бикмөхәмәтов яуланы!! Афарин батырҙарға !!!))))

Ә ярыш барышында быйма ырғытып, яңылыш ҡәйнәһенә тейҙергән Бөрйән егете Ғабдулла Сәғитов дисквалификацияланды һәм бер айға ҡәйнә ҡоймағы ашауҙан мәхрүм ителде", - тип шаярыу ҡатыш яҙған Дамир ағай.

Ә һеҙ быйма ырғытыу ярышын күргәнегеҙ бармы?