2022 йылға йомғаҡ яһалды

Башҡортостандың 63 филиалында баҫма киң мәғлүмәт саралары нәшер ителә һәм 6 телдә донъя күрә: башҡорт телендә - 45, урыҫ телендә - 63, татар телендә - 32, сыуаш телендә - 2, мари телендә - 3, удмурт телендә - 1. 7 электрон, 4 селтәр баҫмаһы булдырылған. Дәүләт киң коммуникациялар өлкәһе - ул «Башҡортостан Республикаһы» нәшриәт йорто, «Башинформ» мәғлүмәт агентлығы» акционерҙар йәмғиәте, «Башҡортостан» телерадиокомпанияһы дәүләт унитар предприятиеһы.

Башҡортостан Республикаһының Матбуғат һәм киң мәғлүмәт саралары агентлығы етәксеһе Максим Ульчев һүҙҙәренсә, донъялағы ҡатмарлы хәл һәм махсус хәрби операция башланыуы республика киң мәғлүмәт саралары алдына яңы саҡырыуҙар һәм бурыстар ҡуйҙы.

–  Рәсәйгә ҡаршы мәғлүмәт һуғышы көсәйеү, көнбайыш санкцияларын һәм иҡтисади баҫымды көсәйтеү шарттарында республика киң мәғлүмәт саралары эш йүнәлешен дөрөҫ йүнәлештә яраштырыуға өлгәште, үҙ йоғонтоһон киңәйтте, ышаныслы һәм дөрөҫ мәғлүмәт сығанағына әйләнде. Ил үҫешенең был тарихи этабында бөтә киң мәғлүмәт сараларының маҡсаты бер-бергә булыу, бер йүнәлештә барыу һәм халыҡ өсөн мөһим мәғлүмәт менән тәьмин итеүсе булараҡ медианың өҙлөкһөҙ эшен тәьмин итеү. Беҙ Башҡортостан Республикаһы Башлығы Радий Фәрит улы Хәбировтың, Башҡортостан Республикаһы Хөкүмәтенең даими ярҙамын һәм иғтибарын тоябыҙ. Беҙҙең проекттар һәм конструктив идеялар дәүләт кимәлендә аңлау һәм үҫеш таба. Радий Фәрит улы бер нисә тапҡыр киң мәғлүмәт саралары коллективтары менән осрашты, журналистар менән «тура бәйләнештәр» үткәрҙе, уларҙың проблемаларын һәм хәстәрҙәрен асыҡланы. Тәүгеләрҙең медиаберләшмәгә иғтибары бик мөһим, был киң мәғлүмәт сараларының әһәмиәтлелеген арттыра, тип иҫәпләйем, әммә был беҙгә ҙур яуаплылыҡ та өҫтәй, – ти Максим Ульчев.

Йылға йомғаҡ яһап, 2022 йылда журналистар өсөн бик күп проекттар ойошторолоуын, шул иҫәптән Башҡортостанда Рәсәйҙә тәүгә «Медиагеройҙар декадаһы» уҙғарылыуын билдәләргә кәрәк. 2022 йылдың 23 июлендә Башҡортостан Башлығы Радий Хәбировтың ҡушыуы буйынса төҙөлгән «Патриот» паркында республика киң мәғлүмәт сараларының 18 командаһы ярышты. Улар араһында ведомстволарҙың матбуғат хеҙмәттәре командалары, республикала эшләгән федераль баҫма журналистары, телерадиоканалдар, баҫма һәм интернет баҫмалар, билдәле блогерҙар бар ине.

Фото: Т. АМАНОВ.