Яңы йыл төнөндә 14 сабый донъяға килгән

Тыуған ҡыҙҙың ауырлығы – 3240 грамм, буйы – 51 сантиметр. Ул республика перинаталь үҙәгендә донъяға килгән. Уның  һаулығы менән бөтәһе лә һәйбәт, тиҙәр.

Ҡыҙҙың ата-әсәһе Айгөл һәм Динис Биковтар – Нефтекаманан. Улар ғаиләһендә – икенсе бала, оло улдарына – 3,5 йәш.

– Яңы йыл төнөндә Башҡортостанда бөтәһе 14 сабый – 8 малай һәм 6 ҡыҙ тыуған. Һәммәһен дә ҡотлайым! Бәхет һәм татыулыҡ! Эш көндәрендә лә, байрамдарҙа ла алһыҙ-ялһыҙ эшләгән табиптарға айырым рәхмәтемде белдерәм. Рәхмәт!  – тип яҙа социаль селтәрҙәрҙә республика Башлығы Радий Хәбиров.

Фото: Т. АМАНОВ.