Әгәр ҙә Яңы йыл алдынан өйгә инергә теләп, ишек төбөнә берәй йорт хайуаны килеп торһа, мотлаҡ индермәйенсә ҡалдырмағыҙ. Бәлки, ул һеҙгә бәхет алып килер.
31 декабрь көнө ҙур этте осратһаң, алдағы йыл уңышлы буласаҡ, тиҙәр. Әгәр ҙә ул ҡойроғон болғап, ҡулығыҙҙы ялаһа, тағы ла һәйбәт. Бәхет тә, мөхәббәт тә буласаҡ.
Бурысығыҙ бар икән, 31 декабрь көндө тиҙерәк ҡотола һалығыҙ, Яңы йылға ҡалдырмағыҙ. Юғиһә, алдағы йылға аҡса юлығыҙ асылмаясаҡ.
Кем менәндер асыуланышып йөрөһәгеҙ, кемделер рәнйеткән булһағыҙ, ғәфү үтенеп, тиҙерәк яраша һалығыҙ. Шулай бәхеткә юл асыла, тип иҫәпләнә.
Фото: Т. АМАНОВ.