Радий Хәбиров ҡотҡарыусыларҙы һөнәри байрамы менән ҡотланы

– Бөгөн батыр, көслө, ышаныслы кешеләр – ҡотҡарыусылар һөнәри байрамын билдәләй.

Ғәҙәттән тыш хәлдәрҙә иң тәүҙә улар ярҙамға килә, техноген һәләкәттәрҙең һәм аварияларҙың эҙемтәләре менән көрәшәләр. Ә бөгөн улар тағы ла мөһимерәк миссияны башҡара – СВО-ла ҡатнашыусы хәрбиҙәргә гуманитар ярҙам ташыйҙар.

Ҡотҡарыусыларҙы һәм был эшкә ҡатнашлығы булғандарҙың барыһын да ҡотлайым! Героик хеҙмәтегеҙ өсөн рәхмәт! Республика мотлаҡ барыһында ла ярҙам итәсәк.