Бөрө геройын ҡаршы алдылар!

Бөрө Рәсәй Геройы Борис Дудконы ҡаршылай. Ул ата-әсәһе янына ҡыҫҡа ялға ҡайтҡан. Бөгөн Өфө аэропортында хәрбиҙе яҡындары, яҡташтары ҡаршы алды.

Алдан хәбәр итеүебеҙсә, Бөрө егете СВО-ла ҙур батырлыҡ ҡыла. Дудко Б. А. етәкселегендәге десант-штурм дивизияһының 76-сы айырым танк батальонының 124-се танк ротаһы ҡуйылған бурыстарҙы махсус хәрби операцияның тәүге көндәренән ҙур батырлыҡ һәм ҡаһарманлыҡ менән үтәй.

Д. ауылы янындағы алышта Борис Дудко етәкселегендәге танк ротаһы нацистарҙың нығытылған районын ала һәм 20 танкын, 18 бронетранспортерын һәм 200 кешеһен юҡ итә. Гвардия майорының танк экипажы ғына 7 танкыны һәм ҙур күләмдә дошман пехотаһын тар-мар итә. Бәрелеш һөҙөмтәләре буйынса Борис Дудко «Рәсәй Геройы» исеменә, ә бөтә шәхси состав Батырлыҡ орденына тәҡдим ителә.