Яңы йыл – мөғжизәләр мәле!

– Яңы йыл шыршыһына үҙенсәлекле балаларҙы саҡырҙыҡ. БР Дәүләт Йыйылышы - Ҡоролтай депутаты Рида Собханҡолова менән уларҙы тылсымлы байрам менән ҡотланыҡ. Район мәҙәниәт һарайының ижади коллективы «Яңы йыл мәшәҡәте» театрлаштырылған тамашаһын әҙерләгәйне.

Улар сәләмәтлеге буйынса мөмкинлеге сикләнгән балалар булғас, уларҙың ҡайһы берҙәренең тиҫтерҙәре менән аралашыу мөмкинлеге лә юҡ. Күбеһе өйҙә уҡый һәм был байрамды түҙемһеҙлек менән көтөп алғандар. Балалар байрамға матур костюмдарҙа килгән, кәйефтәре лә күтәренке ине. Һәм уларҙың өмөттәре аҡланды. Һәр береһенә бүләктәр ҙә бирҙек, – тип яҙа үҙ сәхифәһендә Бүздәк районы хакимиәте башлығы Илнур Иғдиев.

Фото: Т. АМАНОВ.