Беҙҙекеләр Бөтә Рәсәй конкурсында һынатманы

Быйыл конкурсҡа илдең 84 төбәгенән 8 меңгә яҡын ғариза килгән. «Мин - вожатый», «Мин - напарник» һәм «Мин - команда» һынауҙарынан торған конкурстың ситтән тороп ойошторолған этабында алты номинацияла 300 кеше финалға һайлап алынды. Улар араһында эксперттар еңеүселәрҙе билдәләне. Иң-иңдәр араһында Башҡортостан Республикаһы вәкилдәре лә бар. «Вожатыйҙар - ваҡытлыса балалар коллективтары менән эшләүсе остаздар» номинацияһында – Эльвира Ефремова (Бөрө ҡалаһы), «Өлкән вожатыйҙар» номинацияһында Айрат Сакаев (Өфө ҡалаһы) бүләкләнде. Уларҙы ихлас күңелдән ҡотлайбыҙ!

Фото: Т. АМАНОВ.