Нисә градус булғанда мәктәпкә бармаҫҡа мөмкин?

Баланың уҡырға барыу-бармауын, һауа шарттарына ҡарап, ата-әсә үҙе хәл итә.

Дөйөм белем биреү учреждениеларына йөрөү өсөн нормативтар элеккесә ҡала.  23 градус һалҡында — ауылда, 25 градуста ҡалала I, II, III, IV класс уҡыусылары дәрес ҡалдыра ала.

Һауа температураһы 25 градустан түбәнәйһә — ауылда, 27 градус һыуыҡта ҡалала V – IX класс уҡыусылары өсөн дәрестәр булмай. Ауыл мәктәптәренең өлкән класс уҡыусыларына — 30, ҡаланыҡыларға иһә 32 градус һыуыҡта мәктәпкә бармаҫҡа мөмкин.

Нормативтар уҡытыусыларға ҡағылмай, улар, температура нисә градус булыуға ҡарамаҫтан, мәктәптә булырға тейеш. Кластан бер уҡыусы килһә лә, уҡытыусылар уның өсөн дәрес үткәрергә бурыслы.