Баймаҡта минус 38 градус!

Быйыл ҡыш тәүге көндән үк дилбегәне ҡаты тота - сатлама һыуыҡтар башланды. Бөгөн хатта таулы райондарҙа термометр бағанаһы минус ҡырҡҡаса тәгәрәне. Яҙылыусыларыбыҙ социаль селтәрҙә төрлө ерҙән термометрҙы фотоға төшөрөп ебәрә. 

Бөгөн иртән Белорет районының Сосновка ауылында минус 41 градус күрһәткән. Ә Баймаҡ районының Үрге Иҙрис ауылында минус 38-39 самаһы һыуыҡ. Һуңғыһын Үрге Иҙристән Лилиә Мусина ебәргән.