«Баҡсасылыҡ ширҡәтендә янғындар юҡ!»

Брифинг барышында журналистарҙан ҡыҙыҡлы һорауҙар ҙа яңғыраны. Ни өсөн акция тап ошо ваҡытта үткәрелә һуң? Статистикаға ярашлы, тап һыуыҡ көндәр етеү менән баҡса һәм дача ширҡәттәре йорттары ҡараған торлаҡ секторҙа янғындар һаны 2,5 тапҡырға арта икән.

- Һәр бер баҡсасылыҡ ширҡәтендә тиерлек даими нигеҙҙә йәшәгән кешеләр, шул иҫәптән балалы ғаиләләр бар, шуға күрә был биләмәләр беҙҙән шундай уҡ иғтибарҙы талап итә. Баҡсаларҙа үҙәк йылылыҡ юҡ, кешеләр электр энергияһын файҙалана, мейес яға, баллондарҙа килтерелгән газда ашарға әҙерләй. Былар барыһы ла янғын сығыуҙа өҫтәмә хәүеф тыуҙырыуы мөмкин.

Шул иҫәптән иҫкәртеү эше арҡаһында баҡсасылыҡ ширҡәттәрендә янғындар һаны кәмей. Быйыл 11 айҙа баҡса йорттарында һәм дачаларҙа 161 янғын сыҡты, был уҙған йылға ҡарағанда 51 янғынға аҙыраҡ. Уларҙың сәбәптәре йылдан-йыл бер үк: ут менән һаҡһыҙ эш итеү, шул иҫәптән тәмәке тартҡанда, шулай уҡ электр ҡорамалдарын һәм мейестәрен ҡороу һәм файҙаланыу ҡағиҙәләрен боҙоу. Коммерцияға ҡарамаған баҡсасылыҡ ширҡәтендә янғын ваҡытында һәләк булғандарҙың 50 проценттан ашыуы алкоголдән иҫергән хәлдә булған, – тип яҙа социаль селтәрҙәрҙә Башҡортостан Хөкүмәте Премьер-министры урынбаҫары Ирек Сәғитов.

Фото: Т. АМАНОВ.