Бөтә яңылыҡтар
Яңылыҡтар таҫмаһы
29 Ноябрь 2022, 12:54

Башҡортостанда Ҡаҙағстандың почетлы консуллығы институты булдырылды

Ул Өфөлә асыласаҡ.

Башҡортостанда Ҡаҙағстандың почетлы консуллығы институты булдырылды
Башҡортостанда Ҡаҙағстандың почетлы консуллығы институты булдырылды

Был хаҡта бөгөн Хөкүмәттәге оператив кәңәшмәлә тышҡы иҡтисади сәйәси бәйләнештәр һәм конгресс эшмәкәрлеге министры Маргарита Болычева хәбәр итте.

Институт Өфөлә урынлашасаҡ, ә Ҡаҙағстандың почелы консулы булып Семен Пилюгин тәғәйенләнәсәк.

«Институтты булдырыуҙы раҫлаған кәрәкле документты ноябрҙә алдыҡ. Бөтә вәкилдәрҙең контакттары сайтҡа ҡуйылды», — тине Маргарита Болычева.

Башҡортостандың тышҡы иҡтисади әйләнешендә Ҡаҙағстан 9 процент өлөш менән икенсе урынды биләй. 2022 йылдың ғинуар-сентябрь айҙарында ул 332 миллион долларҙы тәшкил иткән, был былтырғы күрһәткестәрҙән 11,5 процентҡа юғарыраҡ.

Автор:Инсаф Хужабирганов
Читайте нас в