Бөтә яңылыҡтар
Яңылыҡтар таҫмаһы
28 Ноябрь 2022, 16:00

Башҡортостан предприятиелары федераль сауҙа селтәренә инде

#ПродуктыБАшкортостана

Башҡортостан предприятиелары федераль сауҙа селтәренә инде
Башҡортостан предприятиелары федераль сауҙа селтәренә инде

«Башҡортостан продукты» проекты дипломанттары үҙенең продукцияһын республика һәм федераль сауҙа селтәрҙәре кәштәләренә сығара. Килешеү Мәскәүҙә сауҙа-һатып алыу конференцияһында төҙөлгән. Сарала Башҡортостандан 150-нән ашыу предприятие ҡатнашҡан. 

Атап әйткәндә, хәҙер Башҡортостан продукттары «Магнит», «Лукошко», Everyday, «Пятерочка» магазиндарына һатыуға ҡуйыласаҡ. Проект ҡатнашыусылары икмәк һәм кондидер ризыҡтарын, айыртылмаған һәм әсетелгән һөт продукцияһын, ит ярымфабрикаттарын, йәшелсә-емеш һатырға йыйына. 

- Сауҙа-һатып алыу конференцияһы - үҙ-ара юғары килемле хеҙмәттәшлек булдырыу маҡсатында үткәрелгән сара. Ритейл вәкилдәре хеҙмәттәшлеккә әҙер, сөнки республика етештереүселәре ихтыяж менән файҙалана, халыҡты сифатлы ризыҡтар менән тәьмин итә, - сауҙа һәм хеҙмәттәр министры Алексей Гусев.

Эшлекле осрашыу баҙарҙың иң төп ҡатнашыусыларын берләштерергә, уларҙың хеҙмәттәшлеген нығытырға ярҙам итте. Һөйләшеүҙәр барышында компанияларҙың талаптары, производство мөмкинлектәре һәм үҙенсәлектәре менән таныштылар.

 

Автор:Инсаф Хужабирганов
Читайте нас в