Бөтә яңылыҡтар
Яңылыҡтар таҫмаһы
27 Ноябрь 2022, 13:00

Баймаҡ әсәйҙәре тәбрикләнде

БР Дәүләт Йыйылышы-Ҡоролтай депутаты Гөлнур Ҡолһарина: - Баймаҡ ҡалаһының Халыҡ ижады үҙәгендә Әсәйҙәр көнөнә арналған байрам концерты үтте.

Баймаҡ әсәйҙәре тәбрикләнде
Баймаҡ әсәйҙәре тәбрикләнде

Тантаналы сарала гүзәл заттарыбыҙға Башҡорт ҡатын-ҡыҙҙары йәмғиәтенең "Ҡатын-ҡыҙ - милләт әсәһе" миҙалдары һәм Почет грамоталары тапшырылды. Рабиға Ҡушаева исемендәге миҙал Таулыҡай ауылынан хеҙмәт ветераны Хәлиҙә Фәхретдинова менән Ниғәмәттән мәғариф ветераны Рәйсә Иҫәнбаеваға тапшырылды.

Башҡорт ҡатын-ҡыҙҙары йәмғиәтенең Маҡтау ҡағыҙы түбәндәгеләргә бирелде:

- Нәркәс Ғәйнуллина (Өфө яғыулыҡ-энергетика колледжының Баймаҡ филиалының уҡытыу-тәрбиә эштәре буйынса директор урынбаҫары),

- Зөлфиә Сафина ("БаймаҡТВ" директоры),

- Эльвира Мукаева (Республика йәштәр социаль-психологик һәм мәлүмәт-методика үҙәгенең Көньяҡ филиалы мөдире),

- Миңзәлә Үҙәнбаева (Ғүмәр ауылы балалар баҡсаһы тәрбиәсеһе, урындағы ҡатын-ҡыҙҙар советы рәйесе),

- Дилбәр Хоҙайбирҙина (хеҙмәт ветераны, Мерәҫ ауылы ҡатын-ҡыҙҙары советы рәйесе).

Әсәйҙәрҙең барыһын да байрам менән ҡотлайым! Уларға һаулыҡ, ғаилә бәхете һәм именлек теләйем!

Автор:Айбулат Ишназаров
Читайте нас в