Башҡортостандың мәҙәниәт министры Әминә Шафиҡованың «Мәҙәниәт һәм сәнғәт өлкәһендәге хеҙмәттәре өсөн» миҙалы менән бүләкләнеүе хаҡында хәбәр иткәйнек. Бөгөн оператив кәңәшмәлә Әминә Ивний ҡыҙына награданы республика Башлығы тапшырҙы.
«Был награда - Башҡортостандың 15 мең мәҙәниәт хеҙмәткәренең хеҙмәтенә ихтирам билдәһе. Уңыштарыбыҙҙың күбеһенә һеҙҙең ярҙам менән өлгәштек, Радий Фәрит улы», - тине Әминә Ивний ҡыҙы.
Шулай уҡ дәүләт эшендә күрһәткән хеҙмәттәре өсөн Ситуация үҙәгенең ике хеҙмәткәре - Алла Смертина һәм Булат Янбулатов БР Маҡтау ҡағыҙҙары менән бүләкләнде.