Бөтә яңылыҡтар
Яңылыҡтар таҫмаһы
12 Ноябрь , 23:30

Ҡашҡарҙа ҡаҙ өмәһе үткән

Бында йәшәүселәр халҡыбыҙ йолаларын һаҡлауға һәм үҫтереүгә күп көс һала. 

Ҡашҡарҙа ҡаҙ өмәһе үткән
Ҡашҡарҙа ҡаҙ өмәһе үткән

Йылайыр районының Ҡашҡар ауылында йәшәүселәр халҡыбыҙ йолаларын һаҡлауға һәм үҫтереүгә күп көс һала. Йыл һайын тиерлек бында ҡаҙ өмәһе үткәрелеп килә.

«Бөгөн Хәжәр апайҙың йортонда ҡаҙ өмәһе үткәрҙек. Туған-тыумасабыҙ менән дәррәү йыйылып, изге теләктәр менән эшкә тотондоҡ.

Ауыл халҡы элек-электән берҙәм, Аллаға шөкөр. Һәр кемдең ҡулы оҫта: ҡатындар ҡаҙҙы ҡаҙандағы эҫе һыуға тығып, йөнөн йолҡоп, эсен таҙалаһа, ирҙәр өтөп торҙо. Йолаға ярашлы, Йылайыр йылғаһы буйына теләктәр теләй-теләй төшөп, сайҡатып алып ҡайттыҡ. Ҡаҙ ите тәмле, татлы булһын өсөн уны таҙартып бөткәс тә ныҡ итеп тоҙлап, бер көнгә һеңдерергә ҡалдыралар. Иртәгәһенә полиэтилен тоҡсайҙарға һалып туңдырғысҡа урынлаштыралар», – тип хәбәр итә Ҡашҡар ауылының мәҙәниәт һәм ял үҙәге мөдире Зарифа Юламанова.

Мәғлүмәт "Ҡоролтай"ҙан алынды.

Ҡашҡарҙа ҡаҙ өмәһе үткән
Ҡашҡарҙа ҡаҙ өмәһе үткән
Ҡашҡарҙа ҡаҙ өмәһе үткән
Ҡашҡарҙа ҡаҙ өмәһе үткән
Автор:Инсаф Хужабирганов
Читайте нас в