0 °С
Болотло
6 ноябрҙә Учалы тау-байыҡтырыу комбинатының ваҡлау бүлегендә 46 йәшлек эшсе һәләк булған. Дәүләт хеҙмәт инспекцияһы хәбәр итеүенсә, ҡатынды конвейер үҙенә тартып алған.
– Конвейерҙы таҙартҡан мәлдә эшсенең ҡулындағы ҡырғыс әйләнеп торған ролик һәм таҫма араһына ҡыҫылған. Ҡыҙғанысҡа ҡаршы, машинист ҡулын алып өлгөрмәгән, ике ҡулы ла конвейер ҡорамалдары араһына ҡыҫылған, – тип хәбәр иттеләр инспекциянан.
Ҡыҙғанысҡа ҡаршы, эшсе фажиғә урынында һәләк булған. Дәүләт хеҙмәт инспекцияһы комбинатта тикшереү ойошторған.
Мәрхүмәнең яҡындарының ауыр ҡайғыһын уртаҡлашабыҙ.