+1 °С
Ясна
Бөтә яңылыҡтар
Яңылыҡтар таҫмаһы
29 Октябрь 2022, 14:05
Салауат Юлаев батальоны хәрби әҙерлек урынына юлланасаҡ
Салауат Юлаев исемендәге ирекле башҡорт батальонын булдырыу тәҡдиме менән иң тәүҙә отставкалағы полковник Артур Йомағужин сығыш яһаған.
Салауат Юлаев батальоны хәрби әҙерлек урынына юлланасаҡ
«Илебеҙҙе йәш егеттәр һаҡлағанда беҙ өйҙә ултыра алмайбыҙ. Хәрбиҙәргә, улдарыбыҙға һәм туғандарыбыҙға беҙҙең тәжрибә кәрәк! Беҙ уларға еңеү яуларға ярҙам итә алабыҙ!» - тип мөрәжәғәт иткәйне видео аша хәрби бәрелештәр ветерандарына Артур Йомағужин.
Батальонға "ҡыҙыу нөктә"ләрҙә хеҙмәт иткән һәм хәрби бәрелештәрҙә ҡатнашҡан ир-егеттәр саҡырылды. Тәүге ике көндә үк батальонға ҡушылып теләк белдереп 300 кеше мөрәжәғәт иткән, башҡа төбәктәрҙән дә шылтыратыусылар булған, һөҙөмтәлә йәмғеһе 700-ҙән ашыу ғариза ҡабул ителгән.
Был башланғысты бизнес вәкилдәре лә күтәреп алған. Күптәр матди һәм финанас ярҙам тәҡдим итеп штабҡа мөрәжәғәт иткән. Был маҡсатта мәрхәмәтлек фонды булдырыу ҡарар ителгән.
- Фонд йәмәғәт ойошмалары һәм ветерандар советы контролендә. Вәғәҙә бирәм, беҙгә килгән һәр тин фронтҡа ебәреләсәк, - тип белдерҙе Артур Йомағужин.
Батальондың филиалдары Стәрлетамаҡта, Ишембайҙа, Сибайҙа, Сәрмәндә, Иҫке Собханғолда һәм Малаяҙда асылды.
- Беҙҙән һәр саҡ һорайҙар, ни өсөн батальон штабтары тап әлеге ауылдарҙа асылды? Яуап ябай. Беҙ филиал асыу урынын һайламайбыҙ, ғөмүмән, уларҙы үҙебеҙ асмайбыҙ. Был - битараф булмаған егеттәрҙең инициативаһы, - тип яҙҙылар батальондың рәсми төркөмөндә.
Был аҙнала Радий Хәбиров батальонға ярҙам итәсәген белдерҙе.
- Беҙ өсөнсө ирекле батальонға ярҙам итеүҙе үҙ өҫтөбөҙгә алабыҙ. Техника, обмудирование һәм башҡа кәрәк-яраҡтар менән тәьмин итәсәкбеҙ. Артабан да ярҙам булып торасаҡ. Хәрбиҙәр һәм уларҙың ғаиләләре өсөн түләүҙәр булдырыласаҡ, - тине Башҡортостан Башлығы Радий Хәбиров.
Яҡын көндәрҙә батальон хәрби әҙерлек урынына юлланасаҡ, ә һуңынан Рәсәй гвардияһы составында махсус операция биләмәһенә ебәреләсәк.
Читайте нас:
1917-2024 "Йәшлек" гәзите
Баш мөхәррир - Артур Хәсән улы Дәүләтбәков
Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.
Телефон
8(347)273-46-38
Электрон почта
Адресы
Өфө ҡалаһы, Октябрҙең 50 йыллығы урамы, 13, 8-се ҡат
Реклама хеҙмәте
89174755304
Редакция
8(347)273-52-08
Ҡабул итеү бүлмәһе
8(347)273-46-38
Хеҙмәттәшлек
8(347)273-56-45