Миңлеғәле Шайморатовҡа иң тәүге һәйкәлдәрҙең береһе тергеҙелде

Әбйәлил районының Байым ауылында 112-се Башҡорт атлылары дивизияһы командиры Миңлеғәле Шайморатов һәйкәле тергеҙелгәндән һуң асылды. Район хакимиәте башлығы Илдар Нафиҡов әйтеүенсә, был - башҡорт батырына асылған иң тәүге һәйкәлдәрҙең береһе. 

Һәйкәлде асыу тантанаһында Илдар Нафиҡов Башҡорт атлылары дивизияһы байрағы күсермәһен райондың "шайморатовсы" кластарына тапшырҙы. Бишенсе класс уҡыусылары ант бирҙе һәм "шайморатовсы"лар сафына бағышлау йолаһын үтәне.