Бөтә яңылыҡтар
Яңылыҡтар таҫмаһы
27 Октябрь , 10:30

Хәрби экипировка етештереү өсөн еңел сәнәғәттең бөтә ҡеүәтен файҙаланырға кәрәк

Был турала ил Хөкүмәте Рәйесе Михаил Мишустин Рәсәй Ҡораллы Көстәре ихтыяждарын тәьмин итеү буйынса координация советы ултырышында белдерҙе.

- Башҡортостан предприятиелары беҙҙең хәрбиҙәрҙе кәрәкле әйберҙәр, йыһаздар менән тәьмин итеү менән күптән шөғөлләнә. Республика Хөкүмәте бойороғона ярашлы, СВО-ға медицина комплекттары һәм йоҡо сумкалары, йылы эске кейемдәр, костюмдар өсөн шеврондар, ҡулдарҙы һаҡлау саралары ебәрелә.

 «Аркада» компанияһы эске кейем, йоҡо сумкалары тегә. 2023 йылдан Башҡортостанда. Рәсәйҙең башҡа төбәктәрендә саҡырылған мобилизацияланған резервистарҙы тәьмин итеү өсөн туҡыма һәм кейем етештерергә ниәтләй.
 
 «Штурмер» һәм «Магеллан» компаниялары хоҡуҡ һаҡлау органдары өсөн формалар етештерә, шул иҫәптән Рәсәй Федерацияһы Оборона министрлығы, Ғәҙәттән тыш хәлдәр министрлығы, ФСО хеҙмәткәрҙәре өсөн формалар тегә. 2022 йылда «Магеллан» Рәсәй Федерацияһы Оборона министрлығының 63494-се хәрби часы (инженер ғәскәрҙәре), Милли гвардия һәм М. Шайморатов исемендәге батальондың заказдарын үтәгән. Улар шулай уҡ ДХР-ға гуманитар ярҙам күрһәтеү өсөн форма комплекттары етештерҙе.

 «Искож» предприятиеһы айырым медицина комплекттары сығара башланы, «Уралпром-баҙар» предприятиеһы — йоҡо сумкалары, шәхси эшҡыуар Кулагин А. костюмдар өсөн 10 мең комплект шеврон, «Ликом» яуаплылығы сикләнгән йәмғиәте 30 мең парҙан ашыу бирсәткә оҙатты, «Медстальконструкций» ЯСЙ-һы меңдән ашыу ике яруслы койка оҙатты. "Профи форм" яуаплылығы сикләнгән йәмғиәтенең эске кейемдәрен ебәреүҙе тамамланыҡ. Йоҡо сумкаларын шулай уҡ «Спецтурснаразхенье» яуаплылығы сикләнгән йәмғиәте етештерә.
 
«Корона» мебель фабрикаһы СВО-ла ҡатнашҡан һалдаттарға ебәреү өсөн матрастар ебәрергә әҙерләнә, Ишембай ойоҡ фабрикаһы ойоҡбаштар запасына эйә, «Бирские Перчатки» складында 20 мең йөн бейәләй бар.

Ҡыҫҡаһы, беҙҙең етештереүселәр һалдаттарға кейем-һалым тегергә, мебель, армия кәрәк-яраҡтары менән тәьмин итергә әҙер. Республика ла предприятиеларға үҙ ярҙамын булдырасаҡ. Күптән түгел еңел сәнәғәт етештереүселәре өсөн ҡорамалдар һәм махсус программалар һатып алыуға субсидиялар бирә башланыҡ. Был маҡсатта 40 миллион һум аҡса бүленде, - тип яҙған социаль селтәрҙә БР Хөкүмәт премьер-министры урынбаҫары - энергетика һәм сәнәғәт министры Александ Шельдяев.
 
Автор:Инсаф Хужабирганов
Читайте нас в