"Уррааа, иптәштәр! Күпме хаттар, мөрәжәғәттәр яҙылды һәм беҙҙе Хәбиров үҙе ишетте! Спорт залыбыҙҙы төҙөшөп бөтөргә мотлаҡ ярҙам итәм, тине!" - тип социаль селтәрҙә ҡыуана бәләкәй ҡыпсаҡтар.
Радий Хәбиров бөрйәндәрҙең һорауына үҙе яуап бирергә теләк белдерҙе.
"Ауыл ир-егеттәре йыйылып спорт залы төҙөй башлаған. Был идеяны күтәрергә кәрәк, минеңсә. Район башлығына йөкмәтәм: 2 миллион 300 мең һум аҡса талап ителә, финанслау мөмкинлектәрен эҙләргә кәрәк", - тине республика етәксеһе.