Бөтә яңылыҡтар
Яңылыҡтар таҫмаһы
23 Октябрь , 12:09

Фәнил Бүләков

Йәнем моңо минең - башҡорт теле,Рухым сәңгелдәге һин, телем!Тик тиңләшер затлы хазинама -Тыуған ерем, әсәм һәм илем. #Йәшлек #ЮлайКәримовфотоһы.

Йәнем моңо минең - башҡорт теле,
Рухым сәңгелдәге һин, телем!
Тик тиңләшер затлы хазинама -
Тыуған ерем, әсәм һәм илем.

Тәүге тындан һуңғы һулышҡаса
Иркәләр тик ғәзиз телгенәм.
Үҙ теленән күпһенгәндәр генә
Бер йәнемде меңгә телгеләй.

Тормошома изге ҡотто биргән,
Ҡотло иткән беҙҙең ғүмерҙе,
Туған телем әсә һөтө кеүек
Һәр сабыйға шундай ҡәҙерле.

Туған телем - әсә һөтө үҙе,
Милләтемдең рухы, моң, ҡото.
Күңелдәрҙе беҙҙең туған иткән,
Милләт иткән телем башҡортто.

Айырмайыҡ бары сабыйҙарҙы
Ата-бабам биргән ырыҫтан.
Онотмайыҡ оло хәҡикәтте -
Тыумаған бит балаң урыҫтан.

Башҡорт теле - нурлы Уралымда
Алтындарға бирмәҫ хазина.
Халҡым рухын сағылдырып күктә
Сая бөркөттәре ҡағына.

Фәнил Бүләков.

Фәнил Нил улы Бүләков 1980 йылдың 5 июлендә БАССР-ҙың Учалы районы Иманғол ауылында тыуа. Иманғол урта мәктәбендә белем ала.

1997—1998 йылдарҙа Иманғол мәҙәниәт йортонда эшләй.

1998 йылдан алып 2003 йылға тиклем Башҡорт дәүләт университетының филология факультетында уҡый. Студент йылдарында, 2000 йылдан, Башҡортостан дәүләт телерадиокомпанияһының «Тамыр» студияһында хеҙмәт юлын башлай, «Тай-тулаҡ» тапшырыуын алып бара[2].

2002 йылдың октябренән - 2008 йылдың сентябренә тиклем «Башҡортостан» телерадиокомпанияһы дәүләт унитар предприятиеһының «Тамыр» телерадиостудияһы редакторы булып эшләй.

2004 - 2006 йылдарҙа Мәскәүҙә Телевидение һәм радио тапшырыуҙары хеҙмәткәрҙәренең белемен камиллаштырыу институтында телерадиожурналистика белгестәре бүлегендә уҡый.

2008 йылда тыуған районына күсеп ҡайта.

Фәнил Бүләков
Фәнил Бүләков
Автор:Юлай Кәримов
Читайте нас в