Депутаттар мобилизацияланғандарҙың ғаиләләренә аҡса күсерәсәк

Башҡортостандың Дәүләт Йыйылышы — Ҡоролтай депутаттары эште ойоштороуға бүленгән аҡсаны мобилизацияланғандар ғаиләһенә күсерәсәк. Был хаҡта башҡорт парламентының матбуғат хеҙмәте белдерҙе.

«Мобилизацияланғандарҙың ғаиләләренә ярҙам итеү — беҙҙең өсөн иң мөһим бурыс. Иң тәүҙә дәүләт власы һәм урындағы үҙидаралыҡ органдары өсөн. Барлыҡ республика ярҙам итә. Депутаттар үҙҙәренең округтарында әүҙем эш алып бара. Бынан тыш, беҙ мобилизацияланған ир-егеттәрҙең ғаиләләренә аҡсалата ярҙам итергә ҡарар иттек. Өс айға депутат эшмәкәрлеген алып барыуға бүленгән аҡсаларҙы беҙ ғаиләләргә күсерәсәкбеҙ», - тине төбәк парламенты спикеры Константин Толкачев.