Иғтибар! Ҡариҙел районында юл ярылған!

Бөгөн социаль селтәрҙә Бөрө - Таҙтүбә юлы төшөрөлгән видеояҙма тарала. 

"Сюприз һәм көтөлмәгән хәлдәргә тулы юл. Бына шуларҙың береһе. Был тирәне яйлап үтегеҙ, айырыуса ҡараңғы мәлдә. Үҙегеҙҙе һәм пассажирҙарығыҙҙы һаҡлағыҙ", - тип яҙа юлды төшөрөүселәр.

Әйткәндәй, асфальт яңыраҡ ҡына һалынған. Бөрө - Таҙтүбә - Һатҡы юлы быйылғы йылдың декабренә файҙаланыуға тапшырылырға тейеш ине.