«Иң шәп йорт. Иң шәп ихата»

«Иң шәп йорт. Иң шәп ихата» Бөтә Рәсәй конкурсына ебәрелгән ғаризалар һаны буйынса Башҡортостан беренсе урында. Бәйгенең төп маҡсаты – күп фатирлы йорттар менән идара итеүҙә иң уңышлы тәжрибәләрҙе асыҡлау. Ул «Берҙәм Рәсәй» партияһы һәм РФ Төҙөлөш һәм торлаҡ-коммуналь хужалыҡ министрлығы тарафынан ойошторола.

Бәйгегә Башҡортостандан 315 ғариза ебәрелгән, был Волга буйы федераль округында иң юғары күрһәткес. Икенсе урында – Мордовия (191 ғариза), өсөнсөлә - Һамар өлкәһе (184 ғариза). Ә ил буйынса республикабыҙ икенсе урынды биләй. Беренселә – Мәскәү өлкәһе (495 ғариза), өсөнсөлә – Мәскәү (225 ғариза).

Әлеге ваҡытта конкурсҡа йомғаҡ яһала. 22 августан тауыш биреү башланасаҡ, унда федераль кимәлдә еңеүселәр билдәләнәсәк. 5 сентябргә тиклем теләгән һәр кем киләһе һыланма буйынса үҙ тауышын бирә ала: https://moydom.er.ru/.

Еңеүселәрҙе бүләкләү 11 сентябрҙә Рәсәйҙең Төҙөлөш министрлығында үтәсәк.