Өфөнән Белоретҡа тиҙ йөрөшлө поезд йөрөй башлаясаҡ

Ярты йылда 1,8 миллион пассажир – ҡала яны поездары өсөн яңы рекорд. Был уҙған ике йылға ҡарағанда 17 процентҡа күберәк.

Тимәк, «Рәсәй тимер юлдары» менән берлектәге тырышлығыбыҙ һәйбәт һөҙөмтә бирә – республика халҡы ла электричкаларға өҫтөнлөк бирә. Тиҙ, уңайлы һәм хәүефһеҙ транспорт.

Өфө – Приют – Абдулла, Өфө – Ырымбур маршруттары буйынса йөрөгән «Ласточка» һәм «Орлан» инновациялы поездары – айырым тарих. Көн һайын улар 2,5 меңдән ашыу кеше ташый – республикабыҙ электричкалары пассажирҙарының дүрттән бер өлөшө.

Яҡын киләсәктә Өфөнән Раевкаға яңы «Ласточка» поезын йөрөтә башларға вәғәҙәләйбеҙ. Шулай уҡ йыл аҙағына тиклем Белоретҡа тиҙ йөрөшлө поезд йөрөй башлаясаҡ.

Әлбиттә, ҡала яны поездарын транспорт системаһына берләштереү өҫтөндә эште дауам итәбеҙ. Халыҡҡа уңайлы булһын өсөн станцияларҙа күсеп ултырыу урындары төҙөргә кәрәк. Артабан барабыҙ.