Ҡырау төшөүе көтөлә

Синоптиктар фаразлауынса, республика биләмәһенә арктик һауа массаһы яҡынлаша.

26 июндән 27 июнгә ҡараған төндә һауа температураһы +5 градусҡа тиклем түбәнәйәсәк, көндөҙ +21 градусҡа тиклем йылы була. Төндә таулы райондарҙа урыны менән ҡырау төшөүе ихтимал. Йәнә лә урыны менән ямғырҙар көтөлә. Шулай уҡ уртаса тәүлек һауа температураһы норманан 2-4 градусҡа түбән булыры фаразлана. 

Ғәҙәттән тыш хәлдәр буйынса дәүләт комитеты республика халҡын иҫкәртә: ҡырауҙар ауыл хужалығы үҫемлектәре өсөн хәүеф тыуҙыра. Тәбиғәттә ял итергә теләүселәргә лә һауа шарттарын иҫәпкә алырға кәрәк. Кейем-һалым көн торошона тура килергә тейеш.