Радий Хәбиров медицина хеҙмәткәрҙәрен ҡотланы

Бөгөн бөтәбеҙ өсөн дә иҫтәлекле көн. Медицина хеҙмәткәрҙәре көнө. Табип һөнәре кешелек тарихында һәр ваҡыт кәрәкле һөнәрҙәрҙең береһе булған. 2020 йылдың мартынан һуң был һөнәргә ҡаһарманлыҡ һәм фиҙаҡәрлек тә өҫтәлде. Ковид менән көрәшеү, үҙеңдең сәләмәтлегеңде һәм ғүмереңде аямай кеше ғүмерҙәрен ҡотҡарыу! Был көрәштә һәләк булған табиптар, шәфҡәт туташтары алдында баш эйәм. Һәм ошо юлды бергә үткән өсөн барыһына рәхмәт белдерәм. Байрам менән ҡотлайым! Именлек, уңыштар,тыныслыҡ һәм, әлбиттә, һеҙгә һәм һеҙҙең пациенттарығыҙға һаулыҡ теләйем!