Афарин, Эльза!

Баш ҡаланың Динамо стадионында «Дружба» һәм «Золотая штурмовка» приздары өсөн көрәш дауам итә. Бөгөн төрлө илдән йыйылған спортсылар ҡаршылыҡтар һыҙатын үтеүҙә иң яҡшыларҙы асыҡланы. Ир-егеттәр араһында рәсәйлеләр Алексей Родинға һәм Шамхан Кубаевҡа етеүселәр булманы. Иң яҡшы тәүге өсәү иҫәбенә шулай уҡ Белоруссия спортсыһы Никита Уколов инде.

Ә ҡатын-ҡыҙҙар араһында алтын миҙалды яҡташыбыҙ, донъя чемпионы Эльза Әбүбәкирова яуланы. Нижегородка өлкәһенән Ирина Сергиенко менән Олеся Ценова «көмөш» һәм «бронза»ға өлгәште.

Халыҡ-ара ярыштың киләһе этабы иртәгә иртәнге сәғәт 11-ҙә башлана.