Тып – тып, мин – тамсы, мине йыр итеп алсы

Тамсы йыры\Әнисә ТАҺИРОВА

Тып – тып,
Мин – тамсы,
Һин миңә ҡарап ҡалсы.
Тиҙҙән мин ағып китәм
Йүгерек ҡар һыуы менән.

Тып – тып,
Мин – тамсы,
Усыңды ҡуя һалсы,
Нурҙа сағылтып ҡара,
Миндә күпме төҫ яна.

Тып – тып,
Мин – тамсы,
Мине йыр итеп алсы.
Һәр көн иртә – кис һайын
Көйҙәр көйләп ҡалайым.

Тып – тып,
Мин – тамсы,
Һин миңә ҡарап ҡалсы,
Тиҙҙән мин ағып китәм
Йүгерек ҡар һыуы менән.