Аҡ ҡайындар

Ҡайындар араһында

Аҡ ҡайындар араһына,
Аҡ ҡайындар янына
Кереп киттең һин йүгереп,
Эй ҡағына-ҡағына.

Һылыу - һының, аҡ - күлдәгең,
Һин аҡлыҡҡа күмелдең.
Күҙҙәремә һин үҙең дә
Ҡайын булып күрендең.

Ҡайһы ҡайын да, ҡайһы һин -
Айыра алмай тик торам...
Яңылыш ҡайынды ҡосҡанмын,
Мин уны һин тип торам.

Ҡайындар менән шаярып,
Оҙаҡлап уйнанығыҙ.
Ахырыһы, мине бөтөнләй
Күрмәй, тип уйланығыҙ.

Һылыу - һының, аҡ - күлдәгең,
Һин аҡлыҡҡа күмелдең.
Күҙҙәремә һин үҙең дә
Ҡайын булып күрендең.

Ҡайһы ҡайын да, ҡайһы һин -
Айыра алмай тик торам...
Яңылыш ҡайынды ҡосҡанмын,
Мин уны һин тип торам.