Ялығыҙ күңелле үтһен.

ЯЛ КӨНӨ ИРТӘЛӘРЕ

Их, шундайын яратам

Ял көнө иртәләрен:

Яратылып туймайҙар

Бәләкәс иркәләрем!

Танауын танауға төртөп

Шаяра улыҡайым.

Хоҙайым, сабыйҙарыма

Бирә күр һаулыҡҡайын!

Апаһы ла тәтелдәп

Ҡушыла беҙҙең янға.

Үҙенең хәбәре бөтмәй

-Ҡай еренә йыйылған?!.

Торғо килмәй, оҙағыраҡ

Килә шул иркәләгем!

Улар үҫкәс һағынырмын

Ял көнө иртәләрен…

Айгөл Ишемғужина-Иҙелбаева.7 февраль, 2016 йыл.