Юлдашев Хисмәт Хәсән улы (1 апрель 1957 йыл) — башҡорт шағиры, 1989 йылдан СССР Яҙыусылар союзы ағзаһы. Ғәлимов Сәләм исемендәге премия лауреаты, Башҡортостан Республикаһының атҡаҙанған мәҙәниәт хеҙмәткәре (2015) (Башҡорт Википедияһынан)
Күп ҡатын-ҡыҙҙа – ҡыҫҡа сәс.
Һин, толом үреп алып,
Янымдан үтеп китәһең,
Һүнмәҫ уттарға һалып.
Түҙермен һөйөү утының
Төтөнө-ҡоромона,
Бер ҡойоноп ҡына сыҡһам
Һыуҙар кеүек ағып торған
Толомоңа!
Мин, толомоңа быуылып,
Үлергә лә (ы)риза,
Бер булмаған хәл тип тормай
Беҙҙең нәҫел-ырыуҙа!
#Йәшлек #фотоЮлаяКаримова