Кубок - күршеләрҙә, "бронза" - беҙҙекеләрҙә!

Һуңғы көндә өфөләр Татарстандың «Неф­техимик» егеттәре менән уйнаны.
Турнирҙа яҡшы уйнап, лидер булған күршеләребеҙгә ҡаршы беҙҙекеләр бер ни ҡыла алмай, өсөнсө осорҙоң уртаһында 0:3 иҫәбенә еңелеп килә, осрашыу ошо иҫәп менән тамамланыр кеүек ине. Ярай әле Джошуа Ливо, Александр Хмелевский менән яңыраҡ Өфөгә килгән Нэйтан Тодд кеүек шәп легионерҙарыбыҙ бар. Улар мәргән­лектәрен бер-бер артлы иҫбатлап, иҫәпте 3:3 итеүгә өлгәште.
Овертаймда еңеүсе асыҡланмағас, эш буллиттарға ҡалды. Бында инде Шелдон Ремптал еңеү шайбаһын индерҙе.
Командаларыбыҙҙың дөйөм уйынына килгәндә, юлаевсылар «Металлург»ка еңе­леп, хужаларҙың фарм-клубы «Маг­нит­ка»нан көслөрәк булып, дөйөм 4 мәрәйе менән өсөнсө урын алды. Икенселә – шулай уҡ 4 мәрәй йыйған «Металлург», 5 мәрәйе менән «Нефтехимик» командаһы Ромазан мемориалы еңеүсеһе булды.
Үҙебеҙҙә, күршеләрҙә үткән турнир­ҙар­ҙағы уйындарына ҡарап, командаларыбыҙ яңы миҙгелгә әҙер, тип иҫәпләргә мөмкин. Әлеге лә баяғы тәүге ике звено ныҡ тырышты.
Фарм-клубтарҙағы йәштәрҙе боҙға сы­ғарып, улар араһында бөгөндән төп ко­мандаға алырлыҡ өмөтлө уйынсылар барлығын күрҙек. Әйткәндәй, бер ни­сәүһе унда алынған да инде. Кисә өфөләр Татарстандың «Аҡ барс»ы менән осрашып, «йәшел дерби» менән яңы миҙгелде башланы.
Улар 8 сентябрҙә – «Трактор»ҙы, 11-ндә «Автомобилист»ы үҙ боҙонда ҡабул итә.
Уйындарҙы үҙебеҙҙең юлдаш теле­ви­дениеһы, интернет каналдар аша ҡарап, юлаевсыларҙы бергәләп еңеүҙәргә ҡеүәтләйек!