Бөтә яңылыҡтар
Мәғариф
22 Декабрь 2022, 17:17

2023 йылда 77 мәктәпкә капиталь ремонт яһаласаҡ

2023 йылда мәктәп системаларын яңыртыу федераль программаһы буйынса Башҡортостанда 77 мәктәпте төҙөкләндереү ҡарала. Был хаҡта «Башинформ» агентлығында үткән матбуғат конференцияһында республиканың мәғариф һәм фән министры Айбулат Хажин хәбәр итте.

2023 йылда 77 мәктәпкә капиталь ремонт яһаласаҡ
2023 йылда 77 мәктәпкә капиталь ремонт яһаласаҡ

БР Мәғариф һәм фән министрлығы башлығы билдәләүенсә, 2026 йыл аҙағынаса яңыртыу кәмендә 365 мәктәпте солғап аласаҡ. Быйыл программа буйынса 63 мәктәптә ремонт үткәрелгән. «Ремонт нулдән башлап тиерлек уҙғарылды: инеү урыны, милли башҡорт элементтарын файҙаланып, эскиздар буйынса фасадтар, шулай уҡ аҙыҡ-түлек блоктары, ашханалар, бәҙрәфтәр яңыртылды. Бынан тыш, мәктәп биләмәһе төҙөкләндерелде, юлдарға асфальт түшәлде, майҙансыҡтар өсөн резина япмалар ҡуйылды, яңы дәреслектәр һатып алынды, мәктәп йыһаздары яңыртылды. Ҙурлығына ҡарап, һәр белем биреү учреждениеһына финанслау 30-25 миллион һум тәшкил итте», - тип хәбәр итте Айбулат Хажин.

Автор:Гөлназ Шәйхетдинова
Читайте нас: