Ҡайһы белем усағы «Йыл мәктәбе» булып танылды?

«Бәйләнештә» селтәрендә барған конкурста 29 белем усағы интернет селтәрендә әүҙемлектәрен һынап ҡараны. Шуныһы ҡыуаныслы: төркөмөбөҙҙә дуҫтарыбыҙ һаны ла артты, 100 меңенсе булып яҙылыусы бүләкле лә булып ҡыуанды.

Шулай итеп, был конкурста Бәләбәй ҡалаһынан башҡорт гимназия-интернаты (Директоры – Дилбәр Ғайса ҡыҙы Фәтхетдинова) еңеүсе тип танылды. Улар өсөн 1860 кеше тауыш биргән. Икенсе урында – Сибай ҡалаһындағы гимназия-интернаты (Директоры – Роза Хаммат ҡыҙы Бикбова). Улар 1466 тауыш йыйған.  Өсөнсө урында – Ейәнсура районы Иҫәнғол ауылындағы Мәрйәм Бураҡаева исемендәге башҡорт гимназия-интернаты (Директоры – Эльвира Ғабдулбарый ҡыҙы Садыҡова). Был белем усағы өсөн 1264 кеше тауышын биргән. Афариндар, ихлас күңелдән ҡотлайбыҙ! Бәләбәй ҡалаһынан еңеүсе башҡорт гимназия-интернаты хаҡында гәзиттең һуңғы һанында баҫылып сығасаҡ.

«Йыл мәктәбе» конкурсында ҡатнашыусы барлыҡ гимназия-лицейҙарға Шөһрәтнамә ебәреләсәк.