Мотлаҡ медицина страховкаһы буйынса түләүле клиникала нисек дауаланырға

Бындай медицина учреждениеларының исемлеге Мотлаҡ медицина страховкаһының территориаль фонды сайтында бар – https://tfoms-rb.ru/ru/node/92.
Мәғлүмәтте үҙеңдең медицина страховкалау ойошмаһында йәки клиниканың үҙендә асыҡларға мөмкин.

  Шәхси клиникаға нисек беркетелергә?

Бының өсөн паспорт, полис һәм СНИЛС кәрәк. Теркәү бүлегендә баш табип исеменә ғариза биреү өсөн бланк һорарға кәрәк - уны 12 көн эсендә ҡарайҙар.

  Кеше икенсе төбәктә теркәлгән икән, уға ярҙам итеүҙән баш тарта алалармы?

Дәүләт клиникалары ла, шәхси клиникалар ҙа икенсе төбәктә йәки ҡалала теркәлеү сәбәпле беркетеүҙән баш тарта алмай. Мотлаҡ медицина страховкаһы буйынса клиниканы - йылына бер тапҡыр, йәшәү урыны үҙгәргәндә йышыраҡ алмаштырырға мөмкин.

  Мотлаҡ медицина страховкаһы полисы буйынса шәхси клиникала ниндәй хеҙмәттәрҙән файҙаланырға мөмкин?

Территориаль программала яҙылған хеҙмәттәрҙән генә файҙаланырға була. Медицина полисы сиктәрендә ниндәй хеҙмәттәр тәҡдим ителеүен телефон аша шылтыратып йәки медицина ойошмаһының йә территориаль фондтың сайтынан белергә мөмкин.
Шәхси клиникала бушлай дауаланыу тураһында тулыраҡ мәғлүмәт менән ошонда танышығыҙ: https://vk.cc/cl6adF

Башҡортостан Республикаһының Мотлаҡ медицина страховкаһы территориаль фондының бәйләнеш үҙәге: 8 (800) 444 93 95

#Аңлатабыҙ_Башҡортостан